VIRAL: Magtataho na Nabundol ng Kotse, Modus nga lang ba?

Sa panahon ngayon ay napakarami ng modus kaya’t dapat na maging alisto para ‘di mabiktima. Isa sa mga modus na ginagawa ng may masasamang loob ay ang kunwaring pagpapabangga sa kotse pagkatapos ay piperahan ang kawawang biktima. Usung-uso ito sa China na maraming video na nagkalat sa Facebook kung saan ini-expose ang ganito nilang modus.

Dito naman sa atin ay may pailan-ilan ding kaso. Usap-usapan ngayon ang isang video na ipinalabas ng ABS-CBN mula sa dashcam ng nagngangalang Ronald Allan Dizon. Makikita sa video ang isang magtataho na tumatawid sa kalsada at maya-maya lang ay nahagip ng sasakyan at nagpagulung-gulong sa kalsada. Pagkatapos ay bigla ring tumayo, lumakad nang paika-ika at umupo sa gilid ng kalsada. Bumaba pa ang driver ng kotse na nakabunggo sa magtataho para tingnan ang kalagayan ng lalaki.

Iba-iba ang naging reaksyon ng mga netizen na nakapanood sa video. Sa tingin kasi nila ay parang sinadya ng lalaki na magpabunggo. Imbes na umiwas ay ito pa ang lumapit. Hindi naman daw ang lalaki ang nabunggo ng kotse kundi ang hawak nitong lagayan ng taho. Nagtataka rin sila kung bakit parang walang laman ang lalagyan ng taho nang tumapon ito sa kalsada. May laman sana na tumapon kahit konti kahit sabihing naubos ito. Napansin din ng mga netizen na pabaliktad ang pag-ikot ng lalaki na dapat daw sana ay counter clockwise.

Marami ang ‘di kumbisido sa acting ng lalaki. Kaya’t payo ng ilang netizen ay galingan nito ang acting sa susunod. Pero wala namang naiulat na nanghingi ng pera ang lalaki o nagpadala ito sa hospital. Sa mga may kotse, maglagay ng dashcam para makita ang tunay na pangyayari kung sakali mang mangyari rin sa inyo ang ganito.

Panoorin ang video:

Anak, pinagtataga ang nanay dahil sa Social Amelioration Program

Marami ang di makakuha ng tulong ng DSWD o tinatawag na Social Amelioration Program dahil di sila kuwalipikado na makakuha. Umalma na maging ang nasa middle class, bakit di raw sila kasali gayung apektado rin sila. Ngunit di lahat nang nakakakuha ng SAP ay pinapalad. Katulad ng isang 59-anyos na nanay na napaslang nang sarili niyang anak dahil dito. Ayon sa ulat, nanghingi diumano ng pera na ang 34-anyos na anak sa nanay nito. Pero nang hindi ito napagbigyan ay pinagtataga niya ito. Nangyari ang krime sa Rosario, La Union. Sabi ng pulisya, may deprensya diumano ang lalaki at nakainom pa ng alak.

OFW na may sintomas ng Covid, gumaling sa asin?

Isang OFW na nakabase sa Amerika ang nagbahagi ng kanyang karanasan hinggil sa Covid na pinuproblema ngayon ng buong mundo. Ayon sa Fb live ni Boyet Castelo, asin daw ang kanyang ginamit nang makaramdam siya ng matinding pananakit ng lalamunan at ng ubo. Ikinuwento niya na nang mabalita sa Amerika na marami nang tinamaan ng Covid ay pumapasok pa rin siya ng trabaho bagama't kakaunti na lang sila. Pero nagpasya na rin siyang tumigil sa trabaho nang maalarma na siya. Nabalitaan niya na dalawa sa building na pinagtatrabahuan niya ang Covid positive. Hindi niya raw alam na may dala-dala na siyang virus. Nag-umpisa nang mangati ang kanyang lalamunan at ubuhin na ilan sa sintomas sa pagkakaroon ng Covid. Pero hindi niya ito pinapansin sa pag-aakalang pangkaraniwan lang ito. Maligamgam na tubig at salabat lang ang kanyang iniinom. Pero biglang niyang naaalala ang sinabi sa kanya ng kaibigan na laging magdala ng asin kahit saan man siya tumira. Kumuha siya ng isang baso at nila

Barangay workers sa Q.C., binawi ang relief goods matapos magpa-picture?

Ngayong panahon ng krisis marami ang dumadaing na hindi pa sila nakatatanggap ng ayuda mula sa gobyerno. Ang iba naman, nakatanggap nga pero kulang na kulang. Hindi nila alam kung paano pagkakasyahin sa buong pamilya ang natanggap na ayuda. Sa haba ba naman ng quarantine na 'di makapaghanapbuhay. Talagang gutom ang aabutin mo. Viral ngayon sa social media ang video na unang inupload ng kapatid ng netizen na si Alfredo Rodil mula sa Brgy. Pag-ibig sa Nayon, Quezon City. Kitang-kita sa CTTV na naglalagay ng relief goods sa mga upuan sa labas ng mga bahay-bahay. Pagkatapos magpakuha ng litrato ay bigla na lang binawi ang ayuda. Kaya gayun na lang ang kanilang pagkadismaya dahil sa inasal ng mga taga-barangay. Umani ng iba't ibang reaksyon ang naturang pangyayari. Anila'y parang nasa game show na may Laban o Bawi. Hindi raw ito makatarungan. Dapat silang matanggal sa trabaho ang mga ito. Pero may nagsabi naman na para namang scripted. Nagpa-picture lang daw para mayr

Pinoy Blog Watch

Search This Blog