Skip to main content

VIRAL: Beki, naghipo diumano ng lalaki sa loob ng MRT?

                                   

          Madalas tayong makabalita na may mga nangmamanyak sa pampublikong sasakyan. Mapa-jeep, FX, bus o ‘di-kaya’y sa MRT o LRT. Kadalasan ay mga babae ang nagiging biktima ng mga mahilig manilip, manghipo o mandunggol ng dibdib. Mayroong nananahimik na lang at mayroon din namang mga pumapalag at ipinapahiya ang nangmamanyak sa kanila.

            Pero hindi lang naman babae ang maaaring mabiktima nang pangmamanyak. Puwede rin ang lalaki.

            Isang lalaking pasahero ang nag-viral sa social media matapos itong magalit dahil hinipuan siya sa ari ng isang beki. Ang eksenang ito ay nakuhanan ng video ng Facebook user na si McAdam Datucali Pundaodaya.

            Maririnig sa video na mataas ang boses ng lalaki at nagmumura. Ayon sa kanya, hindi muna agad siya nagduda baka kasi ‘di naman sinasadya. Pero nakatlong tanggal diumano ang lalaki sa kamay ng beki, pero umuulit pa rin ito kaya’t doon na siya pumalag.

            Makikita naman sa video na ngiti-ngiti lang ang beki na sinasabing nanghipo sa lalaking pasahero.

            Sa huli, makikita sa video na pinagtulakan palabas ang galit na lalaki dahil nag-iiskandalo raw ito.

            Iba-iba naman ang naging reaksyon ng mga netizen hinggil sa sinasabing panghihipo ng beki sa lalaki. Mayroong nagsasabi na tama ang ginawa ng lalaki dahil ipinaglaban lang nito ang kanyang karapatan.  Mayroon din namang mga ‘di siniseryoso ang pagwawala ng lalaki at mayroon ding naniniwala na modus lang ang ganito para mamera.

            Mayroon namang sagot ang beki na nakilala na si Ghed Ghed sa paratang sa kanya ng lalaki. Nagulat daw siya dahil biglang nagsisigaw ang lalaki na hinipuan daw ito at siya ang itinuturo.


Basahin ang kuwento ni Ghed Ghed:


Popular posts from this blog

Anak, pinagtataga ang nanay dahil sa Social Amelioration Program

Marami ang di makakuha ng tulong ng DSWD o tinatawag na Social Amelioration Program dahil di sila kuwalipikado na makakuha. Umalma na maging ang nasa middle class, bakit di raw sila kasali gayung apektado rin sila. Ngunit di lahat nang nakakakuha ng SAP ay pinapalad. Katulad ng isang 59-anyos na nanay na napaslang nang sarili niyang anak dahil dito. Ayon sa ulat, nanghingi diumano ng pera na ang 34-anyos na anak sa nanay nito. Pero nang hindi ito napagbigyan ay pinagtataga niya ito. Nangyari ang krime sa Rosario, La Union. Sabi ng pulisya, may deprensya diumano ang lalaki at nakainom pa ng alak.
Read more

OFW na may sintomas ng Covid, gumaling sa asin?

Isang OFW na nakabase sa Amerika ang nagbahagi ng kanyang karanasan hinggil sa Covid na pinuproblema ngayon ng buong mundo. Ayon sa Fb live ni Boyet Castelo, asin daw ang kanyang ginamit nang makaramdam siya ng matinding pananakit ng lalamunan at ng ubo. Ikinuwento niya na nang mabalita sa Amerika na marami nang tinamaan ng Covid ay pumapasok pa rin siya ng trabaho bagama't kakaunti na lang sila. Pero nagpasya na rin siyang tumigil sa trabaho nang maalarma na siya. Nabalitaan niya na dalawa sa building na pinagtatrabahuan niya ang Covid positive. Hindi niya raw alam na may dala-dala na siyang virus. Nag-umpisa nang mangati ang kanyang lalamunan at ubuhin na ilan sa sintomas sa pagkakaroon ng Covid. Pero hindi niya ito pinapansin sa pag-aakalang pangkaraniwan lang ito. Maligamgam na tubig at salabat lang ang kanyang iniinom. Pero biglang niyang naaalala ang sinabi sa kanya ng kaibigan na laging magdala ng asin kahit saan man siya tumira. Kumuha siya ng isang baso at nila...
Read more

Toni Fowler at Rob Moya, Namigay ng 5 Libo sa Mga Tao

Mula sa Mommy Toni Fowler YT Channel Namigay ng pera sina Toni Fowler at Rob Moya sa mga tao na pawang nakita lang nila sa daanan. Namigay sila ng tag-limang libo, isang libo at limang daan. Mari-rami ring nabigyan ang dalawa at talaga namang tuwang-tuwa ang mga nakatanggap. Mayroon pang nagtatalon sa tuwa matapos makatanggap ng limang libo na katumbas na ng Social Amelioration Program ng DSWD. Ilan sa mga masuwerteng naambunan ng biyaya ay mga vendor, pulis, barangay workers, tricecyle driver atbp pa. Hindi ito ang pagsunod sa nauuso ngayon na Mayaman Challenge ni Francis Leo Marcos. Ayon kina Toni, ginagawa nila ito para ibalik sa mga tao ang mga biyayang natatanggap nila sa kasalukuyan. Sa ngayon, mayroon ng 2 million subscribers sa kanilang Youtube Channel. Simula nang mag-vlog si Toni kasama si Rob ay inulan na sila ng suwerte. Sinabi ni Toni na nahirapan silang mamigay ng pera dahil konti lang ang mga taong nasa kalsada dahil na rin sa enhance community quarantine....
Read more