Pasahero, Nagpapasalamat sa Uber Driver Dahil sa Pagligtas sa Kanyang Buhay

Isang Facebook user na nagngangalang Rhomer Teijei Rupisan ang nag-post sa Facebook nang kanyang pasasalamat sa Uber driver na kanyang nasakyan. Ito ay dahil sa pagliligtas sa kanyang buhay.

Sa post ni Rhomer, ikinuwento niya kung paano siya iniligtas ng Uber driver. Nag-book daw siya noong November 20 dahil masama ang kanyang pakiramdam. Iniisip niya na dahil ito sa highblood pressure.

Habang nasa sasakyan, napansin ng Uber driver na masama ang pakiramdam ni Rhomer kaya’t tinanong siya nito. Sinabi niyang magpapatingin siya sa duktor. Agad naman diumanong nag-alala sa kanya ang driver. Nagtanong pa ito kung gusto niyang lakasan ang aircon ng sasakyan. Pinatay pa nga raw ng driver ang app nito para ‘di siya ma-book ng iba at maging sanhi pa ito nang pagkaantala sa pagpunta sa ospital.

Ayon pa kay Rhomer, bago pa man sila makarating sa ospital naramdaman niyang namamanhid na ang kanyang katawan. Binuksan ng driver ang bintana at nagpa-assist pa sa traffic enforcers para mapadali ang pagpunta nila sa ospital. Nang makarating sa ospital, nahirapang maglakad si Rhomer. Ang huli niyang naaalala bago siya mawalan ng malay ay bumaba pa ng kotse ang driver para humingi ng tulong sa ER.

Nang magising diumano si Rhomer ay sinusuri ng mga nurse at duktor ang kanyang kalagayan. Sinabi ng duktor na hindi highblood pressure ang kanyang naramdaman kundi posible na ito ay atake sa puso. Kinabukasan ng umaga ay nakalabas siya ng ospital matapos ang ilang treatment at laboratory test na ginawa sa kanya.

Sabi ni Rhomer, “For my Uber driver Kuya “Nelson”, I don’t know how to show you my gratitude for saving my life. You kept your cool during this emergency to keep us both safe and to make me relaxed. No words can explain how grateful I am. God bless you and your family forever!”

Anak, pinagtataga ang nanay dahil sa Social Amelioration Program

Marami ang di makakuha ng tulong ng DSWD o tinatawag na Social Amelioration Program dahil di sila kuwalipikado na makakuha. Umalma na maging ang nasa middle class, bakit di raw sila kasali gayung apektado rin sila. Ngunit di lahat nang nakakakuha ng SAP ay pinapalad. Katulad ng isang 59-anyos na nanay na napaslang nang sarili niyang anak dahil dito. Ayon sa ulat, nanghingi diumano ng pera na ang 34-anyos na anak sa nanay nito. Pero nang hindi ito napagbigyan ay pinagtataga niya ito. Nangyari ang krime sa Rosario, La Union. Sabi ng pulisya, may deprensya diumano ang lalaki at nakainom pa ng alak.

OFW na may sintomas ng Covid, gumaling sa asin?

Isang OFW na nakabase sa Amerika ang nagbahagi ng kanyang karanasan hinggil sa Covid na pinuproblema ngayon ng buong mundo. Ayon sa Fb live ni Boyet Castelo, asin daw ang kanyang ginamit nang makaramdam siya ng matinding pananakit ng lalamunan at ng ubo. Ikinuwento niya na nang mabalita sa Amerika na marami nang tinamaan ng Covid ay pumapasok pa rin siya ng trabaho bagama't kakaunti na lang sila. Pero nagpasya na rin siyang tumigil sa trabaho nang maalarma na siya. Nabalitaan niya na dalawa sa building na pinagtatrabahuan niya ang Covid positive. Hindi niya raw alam na may dala-dala na siyang virus. Nag-umpisa nang mangati ang kanyang lalamunan at ubuhin na ilan sa sintomas sa pagkakaroon ng Covid. Pero hindi niya ito pinapansin sa pag-aakalang pangkaraniwan lang ito. Maligamgam na tubig at salabat lang ang kanyang iniinom. Pero biglang niyang naaalala ang sinabi sa kanya ng kaibigan na laging magdala ng asin kahit saan man siya tumira. Kumuha siya ng isang baso at nila

Barangay workers sa Q.C., binawi ang relief goods matapos magpa-picture?

Ngayong panahon ng krisis marami ang dumadaing na hindi pa sila nakatatanggap ng ayuda mula sa gobyerno. Ang iba naman, nakatanggap nga pero kulang na kulang. Hindi nila alam kung paano pagkakasyahin sa buong pamilya ang natanggap na ayuda. Sa haba ba naman ng quarantine na 'di makapaghanapbuhay. Talagang gutom ang aabutin mo. Viral ngayon sa social media ang video na unang inupload ng kapatid ng netizen na si Alfredo Rodil mula sa Brgy. Pag-ibig sa Nayon, Quezon City. Kitang-kita sa CTTV na naglalagay ng relief goods sa mga upuan sa labas ng mga bahay-bahay. Pagkatapos magpakuha ng litrato ay bigla na lang binawi ang ayuda. Kaya gayun na lang ang kanilang pagkadismaya dahil sa inasal ng mga taga-barangay. Umani ng iba't ibang reaksyon ang naturang pangyayari. Anila'y parang nasa game show na may Laban o Bawi. Hindi raw ito makatarungan. Dapat silang matanggal sa trabaho ang mga ito. Pero may nagsabi naman na para namang scripted. Nagpa-picture lang daw para mayr

Pinoy Blog Watch

Search This Blog