Marami na tayong
nabalitaan na kuwento ng mga babae sa social media na naka-encounter sila nang
pambabastos o pangma-manyak habang sila ay nakasakay sa pambulikong sasakyan.
Hindi rin nalalayo ang kuwento rito ng isang Facebook user na si Keesh Ylagan.
Pinag-uusapan ngayon ang kanyang shot out hinggil sa kanyang pangit na
karanasan sa isang biker na nagngangalang Elesse Sanding.
Ayon kay Keesh, sakay
siya noon sa isang bus kung saan nakaupo siya sa tabi ng bintana. Nang tumigil
ang kanyang sinasakyan ay siya namang pagdaan ng isang biker sabay nito sa
kanya. Dahil sa kanyang inis ay inabangan niya ang biker sa Mcdo para
komprontahin sa ginawa nitong panghahawak sa kanya. Aniya, “Tinanong ko kung
tigang sya, HINDI daw. HINDI daw sya manyak. HINDI daw sya nanchansing. WOW.
Ano tawag mo dun tsong?!”
Tinanong niya rin ang
biker kung bakit kailangan niya pang humwak sa bus, sumagot ang biker na ganun
naman daw talaga ang kanilang gawain. Dahil sa ‘di nagustuhan ni Keesh ang
sagot ng biker dahil tila abusado pa raw sumagot ay nagpasya siyang pasikatin
ito sa Facebook sa pamamagitan nang pagpu-post nito sa larawan ng biker. “NAGKAMALI
KA NG HINAWAKAN…DI LAHAT NG BABAE DI NALANG KIKIBO, MATATAKOT NALANG AT IIYAK
SA GILID!, dagdag pa ng dalaga.
Napatunayan diumano ni
Keesh na wala sa kasuotan ng babae kung bakit ito nababastos. Sadya lang daw
may mga manyakis sa paligit kung kaya’t pinag-iingat niya ang kababaihan.
Matapos kumalat ang
shot out ni Kesh, agad namang sumagot ang biker na kanyang pinatutungkulan.
Ayon kay Elesse, humihingi siya nang pasensya. Nagkaroon lang daw sila nang
malaking ‘di pagkakaunawaan ng babae. Nagkamali raw siya na nahawakan niya ito
sa braso. Pero ‘di niya naman ito sinasadya. Aniya, “Alam ko merong mga taong
hindi maniniwala sa akin pero hindi ko po siya binastos o hinipuan. Nasa bike
po ako nung nasa bus siya at umandar yung bus kaya nahawakan ko siya sa braso.
Pasensya na po talaga sa mga naapektuhan”.