Pulis, Nag-viral Dahil sa Pagliligtas ng Mga Pasahero sa Bus!

Photo Credit: Din (Crazy Frog)

Sa kabila ng kontrobersyal na hinaharap ngayon ng kapulisan dahil sa isyung EJK na ipinaparatang sa kanila dahil sa kontra-droga ng pamahalaan. May isang pulis na lumulutang ang pangalan dahil sa kabayanihan niyang ginawa. Viral ngayon ang isang pulis na si PO2 Joselito Lantano matapos niyang iligtas ang mga pasahero ng isang bus sa kamay ng mga holdupper.

Ayon sa kuwento ng Facebook user na si Din (Crazy Frog), nakarating siyang ng Farmers-Cubao at sumakay ng bus patungong Sta. Maria, Bulacan bandang alas-dos ng madaling araw. Habang bumabaybay diumano ang sinasakyan niyang bus ay biglang may nagpaputok ng baril sa kanyang likuran. May isang lalaki na sumigaw at nagdeklara ng holdup saka uli nagpaputok ng isa pa. Sinabihan pa raw ng holdupper ang driver na huwag ihihinto ang bus.

Base pa sa kuwento ni Din, nagulat siya dahil biglang naglabas ng baril ang katabi niyang lalaki at sumigaw ng “Pulis ako!” Sabay pinaputukan nang dalawang beses ang holdupper. Nagtangka pa diumanong itaas ng holdupper ang kanyang baril para puntiryahin ang konduktor kaya lang ay pinaputukan pa ito ng pulis ng isang beses kung kaya’t tuluyan na itong namatay.

Sinabi pa ng pulis na “Huwag kayong tatayo, kung sino ang tatayo ay mamatay”. Hinala kasi ng pulis na mayroon pang kasamahan ang holdupper sa loob ng bus. Nagpaalam pa raw si Din sa pulis na kung maari niyang kuhanan ng video at litrato ang nangyari at pumayag naman ito. Pinahinto diumano ng pulis ang bus malapit sa mga pulis na naka-standby. Nang pababa na ang mga pasahero ay isa-isang kinapkapan ang mga ito at dalawa sa kanila ang hinuli. Matapos na ituro sila ng ilang pasahero na nakakita sa kanila na kasama nila ang holdupper.

Abut-abot ang pasasalamat ng mga pasahero kay PO2 Joselito Lantano dahil sa kabayanihang ginawa nito. Naka-off day pa nga raw ang police officer nang sandaling ‘yun, pero ‘di nagdalawang isip na rumesponde sa nangyayaring krimen.

Source: Facebook

Anak, pinagtataga ang nanay dahil sa Social Amelioration Program

Marami ang di makakuha ng tulong ng DSWD o tinatawag na Social Amelioration Program dahil di sila kuwalipikado na makakuha. Umalma na maging ang nasa middle class, bakit di raw sila kasali gayung apektado rin sila. Ngunit di lahat nang nakakakuha ng SAP ay pinapalad. Katulad ng isang 59-anyos na nanay na napaslang nang sarili niyang anak dahil dito. Ayon sa ulat, nanghingi diumano ng pera na ang 34-anyos na anak sa nanay nito. Pero nang hindi ito napagbigyan ay pinagtataga niya ito. Nangyari ang krime sa Rosario, La Union. Sabi ng pulisya, may deprensya diumano ang lalaki at nakainom pa ng alak.

OFW na may sintomas ng Covid, gumaling sa asin?

Isang OFW na nakabase sa Amerika ang nagbahagi ng kanyang karanasan hinggil sa Covid na pinuproblema ngayon ng buong mundo. Ayon sa Fb live ni Boyet Castelo, asin daw ang kanyang ginamit nang makaramdam siya ng matinding pananakit ng lalamunan at ng ubo. Ikinuwento niya na nang mabalita sa Amerika na marami nang tinamaan ng Covid ay pumapasok pa rin siya ng trabaho bagama't kakaunti na lang sila. Pero nagpasya na rin siyang tumigil sa trabaho nang maalarma na siya. Nabalitaan niya na dalawa sa building na pinagtatrabahuan niya ang Covid positive. Hindi niya raw alam na may dala-dala na siyang virus. Nag-umpisa nang mangati ang kanyang lalamunan at ubuhin na ilan sa sintomas sa pagkakaroon ng Covid. Pero hindi niya ito pinapansin sa pag-aakalang pangkaraniwan lang ito. Maligamgam na tubig at salabat lang ang kanyang iniinom. Pero biglang niyang naaalala ang sinabi sa kanya ng kaibigan na laging magdala ng asin kahit saan man siya tumira. Kumuha siya ng isang baso at nila...

Pamilya na nakakuha ng 6,700 na ayuda sa DSWD, timbog sa Droga!

Timbog ang apat na katao na magkakapamilya matapos silang mahuli sa buy bust operation na isinagawa sa Tatalon, Quezon City. Ito ay sa kabila nang umiiral na Enhance Community Quarantine, nagawa pa rin nilang makipagtransaksyon. Ang mga nahuli ay sina Elvie Flores kasama ang kanyang dalawang anak na sina Angelo at Natalie pati na rin ang balae nito. Ayon sa pulisya, ang mga anak ni Elvie ay kanyang ginagamit para maging taga-abot ng droga. Habang ang balae naman ay gumagamit at kumukuha o nagbibenta rin. Nakuha mula sa kanila ang labintatlong sacchet ng shabu na may street value na 30 thousand pesos. Umamin naman si Elvie na tatlong taon na siyang nagtutulak kasabwat ang kanyang mga anak. Ito na raw ang kanyang ipinambuhay sa mga anak dahil wala siyang asawa. Sinabi rin ng pulisya na si Elvie at balae nito ay benepisaryo ng 4ps at parehong nakatanggap ng 6,700 mula sa DSWD na ginamit nila diumanong puhunan para sa iligal na negosyo.

Pinoy Blog Watch

Search This Blog