Skip to main content

Love Triangle, Posibleng Dahilan sa Pagkakapatay ng Dating Beauty Queen ng Bulacan

Photo Credit: GMA 7
Love triangle, ito ang nakikitang anggulo ng kapulisan sa pagkakapatay sa 23-taong gulang at dating lakambini ng Bulacan na si Mary Christine Balagtas.

Ang dalaga ay napaulat na binaril matapos itong bigyan ng bulaklak at tsokolate ng dalawang lalaki na nagpanggap na delivery boys. Lulan ang mga suspek ng motorsiklo. Posible diumanong mga hired killer ang pumaslang sa dalaga. Kung sino ang nag-utos sa kanila ay ito ang inaalam ng kapulisan.  

Ayon sa hepe ng Plaridel, Bulacan na si Police Supt. Julio Lizardo, sinabi sa kanya ng ina ni Balagtas na mayroong asawa ang nobyo ang kanyang anak. Ang asawa nito ay nasa abroad. Gusto na raw hiwalayan ng lalaki ang asawa kaya lang ay medyo natatakot pa ito.

 Sa salaysay pa ng ina ni Balagtas sa pulisya, ilang beses na raw nitong nakausap ang asawa ng nobyo ng anak sa telepono. Nakikiusap na ito na kung maaari ay hiwalayan na kanyang anak ang asawa nito.


Sa ngayon ay wala pang pahayag ang nobyo ni Balagtas pati na rin ang asawa nito na nasa abroad. 

Source: 24 Oras
Labels:

Popular posts from this blog

Anak, pinagtataga ang nanay dahil sa Social Amelioration Program

Marami ang di makakuha ng tulong ng DSWD o tinatawag na Social Amelioration Program dahil di sila kuwalipikado na makakuha. Umalma na maging ang nasa middle class, bakit di raw sila kasali gayung apektado rin sila. Ngunit di lahat nang nakakakuha ng SAP ay pinapalad. Katulad ng isang 59-anyos na nanay na napaslang nang sarili niyang anak dahil dito. Ayon sa ulat, nanghingi diumano ng pera na ang 34-anyos na anak sa nanay nito. Pero nang hindi ito napagbigyan ay pinagtataga niya ito. Nangyari ang krime sa Rosario, La Union. Sabi ng pulisya, may deprensya diumano ang lalaki at nakainom pa ng alak.
Read more

OFW na may sintomas ng Covid, gumaling sa asin?

Isang OFW na nakabase sa Amerika ang nagbahagi ng kanyang karanasan hinggil sa Covid na pinuproblema ngayon ng buong mundo. Ayon sa Fb live ni Boyet Castelo, asin daw ang kanyang ginamit nang makaramdam siya ng matinding pananakit ng lalamunan at ng ubo. Ikinuwento niya na nang mabalita sa Amerika na marami nang tinamaan ng Covid ay pumapasok pa rin siya ng trabaho bagama't kakaunti na lang sila. Pero nagpasya na rin siyang tumigil sa trabaho nang maalarma na siya. Nabalitaan niya na dalawa sa building na pinagtatrabahuan niya ang Covid positive. Hindi niya raw alam na may dala-dala na siyang virus. Nag-umpisa nang mangati ang kanyang lalamunan at ubuhin na ilan sa sintomas sa pagkakaroon ng Covid. Pero hindi niya ito pinapansin sa pag-aakalang pangkaraniwan lang ito. Maligamgam na tubig at salabat lang ang kanyang iniinom. Pero biglang niyang naaalala ang sinabi sa kanya ng kaibigan na laging magdala ng asin kahit saan man siya tumira. Kumuha siya ng isang baso at nila...
Read more

Pamilya na nakakuha ng 6,700 na ayuda sa DSWD, timbog sa Droga!

Timbog ang apat na katao na magkakapamilya matapos silang mahuli sa buy bust operation na isinagawa sa Tatalon, Quezon City. Ito ay sa kabila nang umiiral na Enhance Community Quarantine, nagawa pa rin nilang makipagtransaksyon. Ang mga nahuli ay sina Elvie Flores kasama ang kanyang dalawang anak na sina Angelo at Natalie pati na rin ang balae nito. Ayon sa pulisya, ang mga anak ni Elvie ay kanyang ginagamit para maging taga-abot ng droga. Habang ang balae naman ay gumagamit at kumukuha o nagbibenta rin. Nakuha mula sa kanila ang labintatlong sacchet ng shabu na may street value na 30 thousand pesos. Umamin naman si Elvie na tatlong taon na siyang nagtutulak kasabwat ang kanyang mga anak. Ito na raw ang kanyang ipinambuhay sa mga anak dahil wala siyang asawa. Sinabi rin ng pulisya na si Elvie at balae nito ay benepisaryo ng 4ps at parehong nakatanggap ng 6,700 mula sa DSWD na ginamit nila diumanong puhunan para sa iligal na negosyo.  
Read more