Doctor na Walang Ulo sa Picture, Viral sa Internet!

Viral ngayon ang larawan ng isang doctor ng walang ulo. Lumikha ng ingay ang nasabing larawan nang ito ay i-post ng isang Facebook user na nagngangalang Leslie Ursabia.

Ayon sa caption ni Ursabia, "Ano'ng gagawin mo pag ganito ang nakita mo while at the ER at 12mn? Magpapa ospital ka pa ba?"

Maraming netizen ang nawindang sa post ni Ursabia at nag-comment pa ang mga ito na sana ay sinabihan niya ang doctor na baligtarin ang suot niyang damit saka sunugin. Base na rin kasi sa pamihiin nating mga Pinoy, dapat ganito ang gawin kapag nakita mong may taong pugot ang ulo sa larawan. Pangontra raw ito para walang mangyaring masama sa nasa picture. May mga insidente na rin kasi na may nakitang walang ulo sa picture, pero walang ginawang aksyon kaya't namatay ito.

Sinabi naman ni Ursabia na napaka-awkward naman kung sasabihan niya ang doctor. Una, hindi naman sila magkakilala. Napag-alaman niya na subsob sa trabaho ang doktor nang sandaling makunan niya ito ng litrato.

Samantalang ginawa naman itong biro ng ilang netizens. Ayon sa kanila, nakayuko lang nang husto ang doctor kaya't nagmukhang wala itong ulo. May mga nag-post pa nga ng picture na wala ring ulo at may caption na medyo may pagka- sarcastic.

Totoo nga ba ang ganitong klase ng paniniwala? Kung may nangyari mang masama sa isang taong walang ulo sa picture, nagkataon lang ba ito? Nasa tao na rin 'yan kung maniniwala ka ba o hindi. Isa lang ang sigurado, marami ang interasado sa ganitong klase ng usapin kaya nga nag-viral ang post ni Ursabia.

Anak, pinagtataga ang nanay dahil sa Social Amelioration Program

Marami ang di makakuha ng tulong ng DSWD o tinatawag na Social Amelioration Program dahil di sila kuwalipikado na makakuha. Umalma na maging ang nasa middle class, bakit di raw sila kasali gayung apektado rin sila. Ngunit di lahat nang nakakakuha ng SAP ay pinapalad. Katulad ng isang 59-anyos na nanay na napaslang nang sarili niyang anak dahil dito. Ayon sa ulat, nanghingi diumano ng pera na ang 34-anyos na anak sa nanay nito. Pero nang hindi ito napagbigyan ay pinagtataga niya ito. Nangyari ang krime sa Rosario, La Union. Sabi ng pulisya, may deprensya diumano ang lalaki at nakainom pa ng alak.

OFW na may sintomas ng Covid, gumaling sa asin?

Isang OFW na nakabase sa Amerika ang nagbahagi ng kanyang karanasan hinggil sa Covid na pinuproblema ngayon ng buong mundo. Ayon sa Fb live ni Boyet Castelo, asin daw ang kanyang ginamit nang makaramdam siya ng matinding pananakit ng lalamunan at ng ubo. Ikinuwento niya na nang mabalita sa Amerika na marami nang tinamaan ng Covid ay pumapasok pa rin siya ng trabaho bagama't kakaunti na lang sila. Pero nagpasya na rin siyang tumigil sa trabaho nang maalarma na siya. Nabalitaan niya na dalawa sa building na pinagtatrabahuan niya ang Covid positive. Hindi niya raw alam na may dala-dala na siyang virus. Nag-umpisa nang mangati ang kanyang lalamunan at ubuhin na ilan sa sintomas sa pagkakaroon ng Covid. Pero hindi niya ito pinapansin sa pag-aakalang pangkaraniwan lang ito. Maligamgam na tubig at salabat lang ang kanyang iniinom. Pero biglang niyang naaalala ang sinabi sa kanya ng kaibigan na laging magdala ng asin kahit saan man siya tumira. Kumuha siya ng isang baso at nila...

Pamilya na nakakuha ng 6,700 na ayuda sa DSWD, timbog sa Droga!

Timbog ang apat na katao na magkakapamilya matapos silang mahuli sa buy bust operation na isinagawa sa Tatalon, Quezon City. Ito ay sa kabila nang umiiral na Enhance Community Quarantine, nagawa pa rin nilang makipagtransaksyon. Ang mga nahuli ay sina Elvie Flores kasama ang kanyang dalawang anak na sina Angelo at Natalie pati na rin ang balae nito. Ayon sa pulisya, ang mga anak ni Elvie ay kanyang ginagamit para maging taga-abot ng droga. Habang ang balae naman ay gumagamit at kumukuha o nagbibenta rin. Nakuha mula sa kanila ang labintatlong sacchet ng shabu na may street value na 30 thousand pesos. Umamin naman si Elvie na tatlong taon na siyang nagtutulak kasabwat ang kanyang mga anak. Ito na raw ang kanyang ipinambuhay sa mga anak dahil wala siyang asawa. Sinabi rin ng pulisya na si Elvie at balae nito ay benepisaryo ng 4ps at parehong nakatanggap ng 6,700 mula sa DSWD na ginamit nila diumanong puhunan para sa iligal na negosyo.

Pinoy Blog Watch

Search This Blog