Tips Para Iwas Heat Stroke

Kapag tag-araw sa Pilipinas ay sobrang init ng panahon. Lalo na ngayon na hindi pangkaraniwang init ang mayroon dahil sa epekto ng Global Warming. Kamakaialan nga lang ay naitala ang pinakamainit na temperaturang naranasan sa ating bansa na umabot sa mahigit 35 degree celcius at inaasahang titindi pa ito. Dahil sa tag-init ay uso ang mga sakit gaya ng sun burn, food poisoning, pagsusuka at ang heat stroke.

Ngunit ano ba ang heat stroke? Ito yaong sakit na nakukuha dahil sa sobrang pagkabilad sa araw. Ang mga palatandaan nito ay ang pamumutla, biglang pagkahilo, panghihina ng katawan at pananakit ng ulo. Nakararanas din ang taong tinamaan ng heat stroke ng pagkawala ng pawis ng katawan. Ang paglabas pa naman ng pawis ang paraan ng pagpapalamig ng ating katawan. Nangangahulugan lamang na kapag ‘di pinagpawisan sa kabila ng mainit na panahon ay naubusan na ng tubig ang ating katawan. Posible ring himatayin kapag na-heat stroke.

Mayroong simpleng pamamaraan para tayo makatulong kung sakaling may kakilalla tayong nakararanas ng heat stroke. Una, dalhin ito sa malamig na lugar para mapreskuhan. Kapag nawalan ng malay ay pahigain ito sa kama nang nakataas ang mga binti. Kapag may malay naman ay painumin agad ito ng malamig na tubig. Punasan din ang katawan nito ng bimpo na binasa ng malamig na tubig saka paypayan o tapatan ng electric fan. Pagkatapos ay itapat din ang pulso nito sa tubig sa gripo. Matapos isagawa ang mga nabanggit na pamamaraan ay dalhin agad ito sa pinakamalapit na ospital.

Kung tutuusin ay madali lang namang maiwasan ang heat stroke. Dapat ay huwag masyadong magbilad sa araw. Kapag naglalakad sa kalsada ay medyo gumilid kung saan ay mayroong lilim. Kung sadyang ‘di maiwasang magbabad sa araw ay gumamit ng proteksyon tulad ng shades, payong at sombrero. Siyempre, magsuot din ng maninipis na damit para hindi masyadong mainitan. Ugaliing uminom ng maraming tubig para hindi ma-dehydrate. Ipinapayo naman ng mga eksperto na kumain ng mga pagkaing mayaman sa potassium tulad ng saging at mainam din diumano ang pag-inom ng orange juice.

Anak, pinagtataga ang nanay dahil sa Social Amelioration Program

Marami ang di makakuha ng tulong ng DSWD o tinatawag na Social Amelioration Program dahil di sila kuwalipikado na makakuha. Umalma na maging ang nasa middle class, bakit di raw sila kasali gayung apektado rin sila. Ngunit di lahat nang nakakakuha ng SAP ay pinapalad. Katulad ng isang 59-anyos na nanay na napaslang nang sarili niyang anak dahil dito. Ayon sa ulat, nanghingi diumano ng pera na ang 34-anyos na anak sa nanay nito. Pero nang hindi ito napagbigyan ay pinagtataga niya ito. Nangyari ang krime sa Rosario, La Union. Sabi ng pulisya, may deprensya diumano ang lalaki at nakainom pa ng alak.

OFW na may sintomas ng Covid, gumaling sa asin?

Isang OFW na nakabase sa Amerika ang nagbahagi ng kanyang karanasan hinggil sa Covid na pinuproblema ngayon ng buong mundo. Ayon sa Fb live ni Boyet Castelo, asin daw ang kanyang ginamit nang makaramdam siya ng matinding pananakit ng lalamunan at ng ubo. Ikinuwento niya na nang mabalita sa Amerika na marami nang tinamaan ng Covid ay pumapasok pa rin siya ng trabaho bagama't kakaunti na lang sila. Pero nagpasya na rin siyang tumigil sa trabaho nang maalarma na siya. Nabalitaan niya na dalawa sa building na pinagtatrabahuan niya ang Covid positive. Hindi niya raw alam na may dala-dala na siyang virus. Nag-umpisa nang mangati ang kanyang lalamunan at ubuhin na ilan sa sintomas sa pagkakaroon ng Covid. Pero hindi niya ito pinapansin sa pag-aakalang pangkaraniwan lang ito. Maligamgam na tubig at salabat lang ang kanyang iniinom. Pero biglang niyang naaalala ang sinabi sa kanya ng kaibigan na laging magdala ng asin kahit saan man siya tumira. Kumuha siya ng isang baso at nila

Barangay workers sa Q.C., binawi ang relief goods matapos magpa-picture?

Ngayong panahon ng krisis marami ang dumadaing na hindi pa sila nakatatanggap ng ayuda mula sa gobyerno. Ang iba naman, nakatanggap nga pero kulang na kulang. Hindi nila alam kung paano pagkakasyahin sa buong pamilya ang natanggap na ayuda. Sa haba ba naman ng quarantine na 'di makapaghanapbuhay. Talagang gutom ang aabutin mo. Viral ngayon sa social media ang video na unang inupload ng kapatid ng netizen na si Alfredo Rodil mula sa Brgy. Pag-ibig sa Nayon, Quezon City. Kitang-kita sa CTTV na naglalagay ng relief goods sa mga upuan sa labas ng mga bahay-bahay. Pagkatapos magpakuha ng litrato ay bigla na lang binawi ang ayuda. Kaya gayun na lang ang kanilang pagkadismaya dahil sa inasal ng mga taga-barangay. Umani ng iba't ibang reaksyon ang naturang pangyayari. Anila'y parang nasa game show na may Laban o Bawi. Hindi raw ito makatarungan. Dapat silang matanggal sa trabaho ang mga ito. Pero may nagsabi naman na para namang scripted. Nagpa-picture lang daw para mayr

Pinoy Blog Watch

Search This Blog