Paano Mag-recycle ng Pagkain?

Napakamahal na ng mga bilihin ngayon kaya dapat maging wais. Ang mga tirang pagkain ay huwag basta itapon dahil puwede pa itong kainin. Bukod pa riyan ay mabibigyan ng bagong lasa ang tirang pagkain. Siguradong hindi lang tiyan ang makikinabang kundi pati na rin ang bulsa dahil makakatipid ka. Ano pang hinihintay mo, luto na, kapatid!

Ang mga tirang tinapay ay puwede pang i-recycle, ipunan muna ang mga ito at ilagay sa ref para gawing pudding. Kapag walang palamigan gamitin agad ito bago magkaroon ng amag. Puwede ring gawing toasted bread, kapag walang oven ay initin na lang sa kawali hanggang sa tumigas. Kung hindi naman ay itusta ito at dikdikin nang pino para magamit sa paggawa ng bola-bola, hamburger atbp. Kapag kanin naman ang pag-uusapan, ang natira ay puwedeng isangag bago pa mapanis gaya ng ginagawa ng marami. O 'di kaya'y ibilad ito sa araw para gawing ampaw o amarayin sa wikang Ilokano. Kaskasin ding mabuti ang nakakapit na tutong sa loob ng kaldero para maihalo kapag nagsaing uli.

Pagdating naman sa tirang isda ay magagamit uli ito. Halimbawa, kapag prito ay puwedeng ihalo sa mga lutong gulay gaya ng pinakbet, diningding atbp. Puwede ring gawing eskabetse, relyeno at sirsiyado. Samantalang ang pinaksiw na isda o sinabawang isda ay puwedeng prituhin naman. Kapag tirang gulay naman gaya ng repolyo, karot atbp. na galing sa nilaga at gisado ay puwedeng ihalo sa chopsuey at lumpia. Puwede pa ngang gawing okoy lalo na iyong toge. Tapos ay gamitin ang sabaw ng tirang gulay para gawing salsa.

Eh, paano naman sa tirang itlog? Ang labis na piniritong itlog ay puwedeng gamiting panahog sa sopas, sinangag o kaya'y palaman sa tinapay. Samantalang ang tirang karne naman ay magagamit na panahog sa paggigisa ng gulay panghalo rin sa sopas.

'Di mo na naman pala kailangang mag-isip lagi ng kung ano na naman ang iluluto. Dahil kahit sa mga tirang pagkain ay may magagawa ka pa panibagong putahe. O ano tara, kain na.

Anak, pinagtataga ang nanay dahil sa Social Amelioration Program

Marami ang di makakuha ng tulong ng DSWD o tinatawag na Social Amelioration Program dahil di sila kuwalipikado na makakuha. Umalma na maging ang nasa middle class, bakit di raw sila kasali gayung apektado rin sila. Ngunit di lahat nang nakakakuha ng SAP ay pinapalad. Katulad ng isang 59-anyos na nanay na napaslang nang sarili niyang anak dahil dito. Ayon sa ulat, nanghingi diumano ng pera na ang 34-anyos na anak sa nanay nito. Pero nang hindi ito napagbigyan ay pinagtataga niya ito. Nangyari ang krime sa Rosario, La Union. Sabi ng pulisya, may deprensya diumano ang lalaki at nakainom pa ng alak.

OFW na may sintomas ng Covid, gumaling sa asin?

Isang OFW na nakabase sa Amerika ang nagbahagi ng kanyang karanasan hinggil sa Covid na pinuproblema ngayon ng buong mundo. Ayon sa Fb live ni Boyet Castelo, asin daw ang kanyang ginamit nang makaramdam siya ng matinding pananakit ng lalamunan at ng ubo. Ikinuwento niya na nang mabalita sa Amerika na marami nang tinamaan ng Covid ay pumapasok pa rin siya ng trabaho bagama't kakaunti na lang sila. Pero nagpasya na rin siyang tumigil sa trabaho nang maalarma na siya. Nabalitaan niya na dalawa sa building na pinagtatrabahuan niya ang Covid positive. Hindi niya raw alam na may dala-dala na siyang virus. Nag-umpisa nang mangati ang kanyang lalamunan at ubuhin na ilan sa sintomas sa pagkakaroon ng Covid. Pero hindi niya ito pinapansin sa pag-aakalang pangkaraniwan lang ito. Maligamgam na tubig at salabat lang ang kanyang iniinom. Pero biglang niyang naaalala ang sinabi sa kanya ng kaibigan na laging magdala ng asin kahit saan man siya tumira. Kumuha siya ng isang baso at nila...

Barangay workers sa Q.C., binawi ang relief goods matapos magpa-picture?

Ngayong panahon ng krisis marami ang dumadaing na hindi pa sila nakatatanggap ng ayuda mula sa gobyerno. Ang iba naman, nakatanggap nga pero kulang na kulang. Hindi nila alam kung paano pagkakasyahin sa buong pamilya ang natanggap na ayuda. Sa haba ba naman ng quarantine na 'di makapaghanapbuhay. Talagang gutom ang aabutin mo. Viral ngayon sa social media ang video na unang inupload ng kapatid ng netizen na si Alfredo Rodil mula sa Brgy. Pag-ibig sa Nayon, Quezon City. Kitang-kita sa CTTV na naglalagay ng relief goods sa mga upuan sa labas ng mga bahay-bahay. Pagkatapos magpakuha ng litrato ay bigla na lang binawi ang ayuda. Kaya gayun na lang ang kanilang pagkadismaya dahil sa inasal ng mga taga-barangay. Umani ng iba't ibang reaksyon ang naturang pangyayari. Anila'y parang nasa game show na may Laban o Bawi. Hindi raw ito makatarungan. Dapat silang matanggal sa trabaho ang mga ito. Pero may nagsabi naman na para namang scripted. Nagpa-picture lang daw para mayr...

Pinoy Blog Watch

Search This Blog