Skip to main content

Lalaking Naka-kotse, Nanapak ng Pedestrian

                                   

             Tila walang katapusan ang bangayan sa kalsada. Katatapos pa lang ng iskandalo na ginawa ni Cherish Sharmaine Interior na nanampal ng matandang taxi driver. Agad itong nasundan ng suntukan ng isang may-ari ng kotse at ng FX driver. Pagkatapos ay may nanampal din ng driver na nagpakilalang asawa ng taga-NBI.

            Ang bago naman ngayon, isang nagngangalang Eddie Co ang nanuntok ng tumatawid lang sa kalsada. Makikita sa CTTV na tumatawid ang isang lalaki na siya namang pagdating ng kotse ni Mr. Co. Hinintuan naman niya ito, pero bigla siyang bumaba at sinapak ang lalaki sa pag-aakalang minura siya nito.

            Ang lalaki na tumawid sa kalsada at nasapak ay kinilalang si Ruben Lopez, Jr.


Ruben Lopez Jr.
Ang cellphone na binasag ni Mr. Co
            Ayon kay Dara Celine Remo (pamangkin ni Ruben) na siyang nag-post ng CTTV video sa Facebook, ‘di niya maintindihan kung bakit kailangang manapak ni Mr. Co. Sa lakas nga raw ng sapak nito sa kanyang tito ay namaga ang mukha nito. Pati ang cellphone nito ay kinuha pa saka binasag. Malayo naman daw ang kanyang tito sa sasakyan ni Mr. Co.

            Napag-alaman nila, dati na palang na-involved sa ganito si Mr. Co sa kanilang village. Kaya’t ‘di niya maintindihan kung ano ang mayroon sa taong ito. Kung mayroon man daw itong personal na problema, sana ay huwag na siyang mandamay pa ng ibang tao.

            May panawagan si Dara sa mga motorista, aniya kung alam n’yo na kaiksi lang ang inyong pasensya ay huwag na kayong magmaneho.  

Fb post ni Dara Celine Remo

 Panoorin ang video: 

Popular posts from this blog

Anak, pinagtataga ang nanay dahil sa Social Amelioration Program

Marami ang di makakuha ng tulong ng DSWD o tinatawag na Social Amelioration Program dahil di sila kuwalipikado na makakuha. Umalma na maging ang nasa middle class, bakit di raw sila kasali gayung apektado rin sila. Ngunit di lahat nang nakakakuha ng SAP ay pinapalad. Katulad ng isang 59-anyos na nanay na napaslang nang sarili niyang anak dahil dito. Ayon sa ulat, nanghingi diumano ng pera na ang 34-anyos na anak sa nanay nito. Pero nang hindi ito napagbigyan ay pinagtataga niya ito. Nangyari ang krime sa Rosario, La Union. Sabi ng pulisya, may deprensya diumano ang lalaki at nakainom pa ng alak.
Read more

OFW na may sintomas ng Covid, gumaling sa asin?

Isang OFW na nakabase sa Amerika ang nagbahagi ng kanyang karanasan hinggil sa Covid na pinuproblema ngayon ng buong mundo. Ayon sa Fb live ni Boyet Castelo, asin daw ang kanyang ginamit nang makaramdam siya ng matinding pananakit ng lalamunan at ng ubo. Ikinuwento niya na nang mabalita sa Amerika na marami nang tinamaan ng Covid ay pumapasok pa rin siya ng trabaho bagama't kakaunti na lang sila. Pero nagpasya na rin siyang tumigil sa trabaho nang maalarma na siya. Nabalitaan niya na dalawa sa building na pinagtatrabahuan niya ang Covid positive. Hindi niya raw alam na may dala-dala na siyang virus. Nag-umpisa nang mangati ang kanyang lalamunan at ubuhin na ilan sa sintomas sa pagkakaroon ng Covid. Pero hindi niya ito pinapansin sa pag-aakalang pangkaraniwan lang ito. Maligamgam na tubig at salabat lang ang kanyang iniinom. Pero biglang niyang naaalala ang sinabi sa kanya ng kaibigan na laging magdala ng asin kahit saan man siya tumira. Kumuha siya ng isang baso at nila...
Read more

Pamilya na nakakuha ng 6,700 na ayuda sa DSWD, timbog sa Droga!

Timbog ang apat na katao na magkakapamilya matapos silang mahuli sa buy bust operation na isinagawa sa Tatalon, Quezon City. Ito ay sa kabila nang umiiral na Enhance Community Quarantine, nagawa pa rin nilang makipagtransaksyon. Ang mga nahuli ay sina Elvie Flores kasama ang kanyang dalawang anak na sina Angelo at Natalie pati na rin ang balae nito. Ayon sa pulisya, ang mga anak ni Elvie ay kanyang ginagamit para maging taga-abot ng droga. Habang ang balae naman ay gumagamit at kumukuha o nagbibenta rin. Nakuha mula sa kanila ang labintatlong sacchet ng shabu na may street value na 30 thousand pesos. Umamin naman si Elvie na tatlong taon na siyang nagtutulak kasabwat ang kanyang mga anak. Ito na raw ang kanyang ipinambuhay sa mga anak dahil wala siyang asawa. Sinabi rin ng pulisya na si Elvie at balae nito ay benepisaryo ng 4ps at parehong nakatanggap ng 6,700 mula sa DSWD na ginamit nila diumanong puhunan para sa iligal na negosyo.  
Read more