Skip to main content

Limang Paaralan sa Maguindanao, Pinasabugan!


        Limang paaralan ang hinagisan ng pampasabog sa Sultan Mastura, bayan ng Maguindanao noong madaling araw ng Miyerkules (Abril 27).  

Ayon sa mga otoridad, ang serye ng pagpapasabog ay nangyari sa Darungan Elementary School sa Barangay Dagurungan, Tuka Elementary School sa Barangay Tuka, Darping Elementary school sa Barangay Macabiso, Day Care Center sa Barangay Tariken at sa Simuay Seashore Elementary School sa Barangay Simuay.

Nakakita ang mga otoridad sa mga pinasabugang paaralan ng dalawang safety levers ng granada, walong piraso ng basyo ng 7.62MM, mga bahagi o pira-piraso ng metal at blue container. 

Ang pinakamatinding napinsala sa mga hinasagisan nang pampasabog ay ang Simuay Seashore Elementary School kung saan ay walong kompyuter ang nasira. Samantalang wala namang napinsala sa Dapling Elementary school.
 
Ang nasabing mga paaralan ay nakatakdang maging polling precint sa darating na eleksyon. Ayon kay Police Inspector Winderlyn Banico, Chief of Police ng Sultan Mastura na 'di pa natitiyak kung may kinalaman nga sa pulitika ang serye ng pagpapasabog sa mga eskuwelehan. Maaari diumanong may ilang grupo lang na nais takutin ang mga botante.

Dahil sa serye nang pagpapasabog ng mga paaralan sa Maguindanao, may mga titser na diumano na natatakot na gampanan ang kanilang trabaho bilang board of elections inspectors. Nababahala na kasi sila para sa kanilang kaligtasan. Hinihiling ng iba sa kanila na palitan na lang sila ng pulis para magsilbing BEIs. 

(Source:abscbn.com)

Popular posts from this blog

Anak, pinagtataga ang nanay dahil sa Social Amelioration Program

Marami ang di makakuha ng tulong ng DSWD o tinatawag na Social Amelioration Program dahil di sila kuwalipikado na makakuha. Umalma na maging ang nasa middle class, bakit di raw sila kasali gayung apektado rin sila. Ngunit di lahat nang nakakakuha ng SAP ay pinapalad. Katulad ng isang 59-anyos na nanay na napaslang nang sarili niyang anak dahil dito. Ayon sa ulat, nanghingi diumano ng pera na ang 34-anyos na anak sa nanay nito. Pero nang hindi ito napagbigyan ay pinagtataga niya ito. Nangyari ang krime sa Rosario, La Union. Sabi ng pulisya, may deprensya diumano ang lalaki at nakainom pa ng alak.
Read more

OFW na may sintomas ng Covid, gumaling sa asin?

Isang OFW na nakabase sa Amerika ang nagbahagi ng kanyang karanasan hinggil sa Covid na pinuproblema ngayon ng buong mundo. Ayon sa Fb live ni Boyet Castelo, asin daw ang kanyang ginamit nang makaramdam siya ng matinding pananakit ng lalamunan at ng ubo. Ikinuwento niya na nang mabalita sa Amerika na marami nang tinamaan ng Covid ay pumapasok pa rin siya ng trabaho bagama't kakaunti na lang sila. Pero nagpasya na rin siyang tumigil sa trabaho nang maalarma na siya. Nabalitaan niya na dalawa sa building na pinagtatrabahuan niya ang Covid positive. Hindi niya raw alam na may dala-dala na siyang virus. Nag-umpisa nang mangati ang kanyang lalamunan at ubuhin na ilan sa sintomas sa pagkakaroon ng Covid. Pero hindi niya ito pinapansin sa pag-aakalang pangkaraniwan lang ito. Maligamgam na tubig at salabat lang ang kanyang iniinom. Pero biglang niyang naaalala ang sinabi sa kanya ng kaibigan na laging magdala ng asin kahit saan man siya tumira. Kumuha siya ng isang baso at nila...
Read more

Pamilya na nakakuha ng 6,700 na ayuda sa DSWD, timbog sa Droga!

Timbog ang apat na katao na magkakapamilya matapos silang mahuli sa buy bust operation na isinagawa sa Tatalon, Quezon City. Ito ay sa kabila nang umiiral na Enhance Community Quarantine, nagawa pa rin nilang makipagtransaksyon. Ang mga nahuli ay sina Elvie Flores kasama ang kanyang dalawang anak na sina Angelo at Natalie pati na rin ang balae nito. Ayon sa pulisya, ang mga anak ni Elvie ay kanyang ginagamit para maging taga-abot ng droga. Habang ang balae naman ay gumagamit at kumukuha o nagbibenta rin. Nakuha mula sa kanila ang labintatlong sacchet ng shabu na may street value na 30 thousand pesos. Umamin naman si Elvie na tatlong taon na siyang nagtutulak kasabwat ang kanyang mga anak. Ito na raw ang kanyang ipinambuhay sa mga anak dahil wala siyang asawa. Sinabi rin ng pulisya na si Elvie at balae nito ay benepisaryo ng 4ps at parehong nakatanggap ng 6,700 mula sa DSWD na ginamit nila diumanong puhunan para sa iligal na negosyo.  
Read more