Kung educational TV show ang hanap mo, mabuting panoorin mo ang Pawn Stars na ipinapalabas ng Channel 11 tuwing Sabado, 9 pm. Pinagbibidahan ito ng Pamilya Harrison kabilang sina Old Man, Rick at Corey o Big Hoss, kasama rin ang tauhan nila sa shop na si Chamley. Ang kanilang shop ay matatagpuan sa Las Vegas, Nevada. Si Rick at Corey at minsan nang bumisita sa Pilipinas para i-promote ang kanilang show.
Sa palabas na ito ay marami kang matututunan hinggil sa kasaysayan, hindi lang sa bansang Amerika kundi pang-global na rin. Iba’t ibang klase ng mga antique items ang dinadala sa shop gaya ng mga baril, kanyon, espada, kutsilyo, alahas at kung anu-ano pang bagay na may halaga. Kung mas luma, mas mahal ang presyo depende na rin sa naging bahagi nito sa kasaysayan. Ang bawat isang item ay may kanya-kanyang istorya na talaga namang interestanteng malaman. Maliban na lang sa mga item na peke o replikyon lang ng mga orihinal. Masasabing malaki ang market ng mga antique sa Amerika dahil na rin sa dami ng mga nagbibenta at bumibili ng mga ito.
Hahanga ka sa skills ng pamilya Harrison dahil sa husay nilang makipag-deal. Siyempre, kailangan nilang tumubo sa bawat item na kanilang nabibili. Kaya’t makikipagtawaran talaga sila sa kostumer. Lalo na si Old Man na imbes na dagdagan ang alok kapag humihirit ang kostumer ay binababaan pa niyang lalo. Nagatatanong din siya kung gusto bang i-donate na lang ng kostumer ang dala-dala nilang item. Ang mga kostumer hangga’t maaari ay mapataas nila ang ibinibenta nilang item. Minsan ay ‘di rin naiiwasan na nalulugi sila dahil maliit lang pala ang halaga ng kanilang nabili, taliwas sa kanilang akala. Kaya’t para maiwasan ang pagkakamali ay nagtatawag sila ng mga eksperto para suriin ang item. Sila ang nagsasabi kung peke ba o orihinal ang item at kung magkano ba ang presyo nito. Pagkatapos nito ay bahala na ang mga taga-shop at kostumer kung sa magkanong presyo ba sila magkakasundo.
Ang Pawn Stars ay ‘di lang isang educational show kundi may halo rin itong entertainment. Ang mga bida rito kasi ay may kanya-kanyang character. Kagaya lang ni Old Man na laging sinusungitan ang mga kasama niya sa trabaho. Siya ‘yung tipo ng tao na istrikto palibhasa ay dating nagtatrabaho sa military. Matatawa ka naman sa kaengotan ni Chamley, sa hitsura pa lang ay matatawa ka na. Malaki itong tao na umaaktong parang inosente o nagpapaka-isip bata. Kung magtanong ay parang laging wala sa hulog. Lagi rin siyang pinagtitripan ng mga Harisson. Kapag may nabiling baril o pana ang mga ito ay siya ang laging pinapasubok ng mga ito.